L-aghma

thousand tears after

2008-04-25T00:17:00.000-07:00

Hajja ta’ kelb?

U nharsulha b’disprezz?

Ghax jigri barra?
Ghax irid ifittex jiekol?

Miskin?
Ghax ihalli l-istint gewwieni haj?

U li m’ghandu ‘l hadd jikkmandah?
U li m’ghandu ‘l hadd irid minnu?
U li jista’ jigri, jdur u jhuf kemm irid u x’hin ifettillu?

Miskin dak iz-zaghzugh.
Hitan ta’ l-irham ileqq, jizolqu madwaru.

Suf iniggez ma’ kullimkien, WELCOME fuq sidru
Taht l-ghatba tal-bieb ta’ barra .

Il-profeti kienu ilhom ihabbru imma s-serduk mahnuq, ghaxi ma’ l-art.
Jaqa' u jerga' jqum, kuxxtejh issahhu imma dahru ghejjien
L-irmixk tiela’ jxebblek ma’ saqajh immusklati imma stagnati.

Ghonqu mhux il-boghod
u lanqas il-kanal tan-nifs.

Fil-boghod jinstema' is-sur Lee jkanta minn taht gverta.

I’d love to change the world
But I don’t know what to do,

So I leave it up to you

Mars

2008-04-01T11:24:00.000-07:00

Lehha ta' berqa qawwija li xeghlet sema imma ghebet sakemm ghajjatt lil siehbek jitfa' harstu lejha.

Hekk zgicca Marzu mill-kalendarju tal-kcina. Lanqas hin ningassaw in-numri kollha.

Bahh.

Fl-istess hin, Marzellu ried juri ruhu u ghamel hiltu kollha biex jaghti fil-ghajn u ma jghaddix qisu xejn.

Id-djamant jilma fuq l-ilma
li jifred lil Malta minn Ghawdex.

Awguri, mara ~36~

Hawwel hafna mill-folla f'teatri ta' ahmar u blu mill-ewwel jiem tieghu, sammar hafna minnhom quddiem il-kaxxa ta' l-istampi l-Hadd ta' wara u ta r-riedni ghal darb'ohra 'l min l-aktar kien haqqu. Qas nifs. Il-Mulej dlonk fakkarna li Hu kien ghadu hemm u li l-qamar kien rega' ghamel id-dawra tieghu, dik li tigborna u tghaqqadna ghalenija biex inxejru l-weraq tal-palm halli nilqghuh fostna minghajr ma nsallbuH. Jekk jista' jkun. Sa mill-ikla ta' l-appostli, migburin kollha ma' mejda f'cenaklu Santa Vendra, is-seba' zjajjar f'kappelli antiki mfewha bil-gizimin tal-Qrendi, wirjiet fil-belt antika tal-kavallieri, sahansitra anke fl-Ort taht is-swar u l-hsejjes ta' ktajjen Mostin. Il-Glorja smajnieha tidwi mill-kant ta' l-eremiti Rabtin wara l-mixja sal-pulptu u l-ghada l-mixja ta' pagan li kkonverta mal-Qawmien.

San Guzepp ma naqasx li jghid tieghu, qalu minn taht l-ilsien kif imdorrijin narawh, f'xatt il-bahar, boghod minn nies u l-agha mal-gamar jaqbdu taht zliezet hoxnin jinxtwew.

Awguri Ma ~53~

Fuq kollox tlajt targa. L-ewwel targa bl-ghajnuna t'Alla u mieghi hadt pjacir nara 'l ta' gewwa jitilghu ukoll.

Rahal twelidi haddanni mieghu fejn l-aktar inhobb u z-zghar ferfru jdejhom bil-ferh u l-bahar izraq.

Grazzi Karm.

Ikun imfahhar Alla.

Fix-xefaq

~30~

Ittra lil zaghzugha gustuza

2008-02-22T03:05:00.000-08:00

Al, min hu zaghzugh haj bil-fors ihares 'il quddiem. Issa jekk ghax induna li l-bank mhux postu u li jixtieq ifittex il-vera Hu jew dit-tfajla intebhet li wehlet fix-xoghol u fi hsiebha timmira aktar fl-gholi, pass il-quddiem huwa dejjem ta' min jaghmlu. Zgur li jitlob rieda u kuragg, fuq kollox, imma nemmen u NEMMEN vera li l-hegga ta' min vera JRID hi qawwija bizzejjed li teghleb kull xkiel li jista' jinqala'.

Kemm hu sabih it-taghlim, kemm jaghti kunfidenza, kemm jiftahlek orrizzonti, kemm jurik li ghad jonqos u jonqos x'issir taf aktar u aktar. Nixtieq nittrasmettilek l-entuzjazmu u kemm inhallas biex nintefa' b'ruhi u gismi ha nistudja aktar. Jien ghazilt Malti u Socjologija, interessanti wisq aktar milli hsibt.

U ntennilek li fil-hajja Universitarja, qalb zaghzugha thabbat fuq kollox u ssib hajja gdida li zgur mohh 'imgarrab' (ghax avvanzajna fl-eta') bhal taghna jsib bahar ta' 'gdid' x'jiskopri minn lenti usa'.

Il-Barka fuqek,
C

Dance on Vaseline

2008-02-06T11:07:00.000-08:00

U fejn tobsor il-hajja xi jkollha lesta ghalik?

U xi jgieghel lil dak li jkun jaqbad triq u mhux ohra?

Minn hawn fuq, mill-gholi, nhoss dehxa bard
Il-bahar imqalleb irid jibla l-art.
Hsibijiet kurjuzi jixxabtu minn gew
Idejja ghajjenin, izommu sew

Warajja, itfal u mara jiccassaw
Ma jafux, qas idea, jien mhux minn haw'
It-tiftixa, it-taghrif, xafra tilma
Mohh-kustat, iqattar dmija u ilma

Itektek kien u jtektek baqa' l-ghama
Silg isoff mill-vini, gisem irhama
Xemx dehbiena ddakkar iz-zahar u l-ward
Imma ghalija l-hin sar u issa tard.

awguri

sikta

2007-11-10T06:30:00.000-08:00

Ghaddiet kwazi sena.

Qas irrid nemmen.

In-nisa zienja xorta baqghu jserrpu mas-sigra jittantaw it-tuffieha li afdajt f'id haddiehor imma l-bicciet tal-harrub dejjem baqghuli fuq l-istonku u ghalhekk ergajt lura. Go mohhi baqa' d-damdim daqqa fil-boghod u daqqa fil-qrib sew u issa li ghal darb'ohra sibt it-trejqa, ftakart il-kelma sigrieta u stajt nerga' nidhol, qed inhoss ghors gewwieni,

l-ors li jrid isemma' lehnu u jrazzan ftit minn dak id-damdim,

it-tfajjel f'aptitu,

l-ghama jtektek bl-ghaslug...

... Ghal zmien nixifli l-ghana ta' gewwa qalbi...

...'Mma llum ergajt ghal ghonq it-triq tal-ghana...

Il-Mulej itik il-glorja tal-Genna, Ruz.

aktar textix u inqas nifs 2

2006-12-16T00:59:00.000-08:00

Fil-karozza, il-hgieg imtappan, in-numri fuq l-isterjo zugraga, ma jehdewx, dawl ipetpet fil-boghod. Il-fwieha tal-pizza tizgicca mar-r-rih hawtiel johloq siltiet muzikali mal-vojt irqiq bejn il-hgiega u l-bqija tal-bieba.

F'hanut tax-xorb rahli. Dhahen tas-sigaretti, xaghar mdellek bil-Brajklijm, argumenti shan imzewqin b'xi gibda jew tnej minn dawk li jaghmluna Maltin. Anke fuq il-mejda, Blue al wiehed, tnej, grokk minn tal-Milied, frak tal-galletti u plattina b'xi gix loqmiet jghumu fiz-zejt.

Fej il-bahar ikhal nir itajjar raxx irqiq ta qlub roza kultant hin. Bil-magna tar-ritratti zzebbeg 'l hinn u 'l haw. Il-blat artab bhal sodda tal-fjuri, s-sema zliega tal lwien u t-tmellisa taz-ziffa tissieheb mas-swaba inkejjuzi.

F'sala mudlama taht l-art. L-istorbju jaqbad il-mohh u jitfghu bej is-snien ta' morsa sakemm jithnu u jaghmlu ghoqda. Il-qatra niezla bhal gelgul u l-ghajat jimxi id f'id maz-zeglig tal-genbej, zejziet qammiesa, ghajnej iduru bla lgiem u jdej hfief.

F'dar c-ckejkna z-Zurrieq. Id-dawl abjad kiefer ghall-ghajnejn imcahhad mit-tnemnim tal-lampa tal-pitrolju. L-inbid jilma huwa u niezel biz-zifna mal-gnub tat-tazza ghamla ta' buqar. Il-Kliem jizloq helu helu mal-ambjent u l-ghajnejn imqarba f'dik il-hemda bhal sabi.

U hi.

"Hey, Taxi!"

2006-11-11T04:16:00.000-08:00

PERSONNEL OFFICER (O.S.)
Got your license?
TRAVIS (O.S.)
Yes.
PERSONNEL OFFICER
So why do you want to be a taxi driver?

1.

22

Qara tleqq, xaghar lura kollu zejt.

Ghajnejn imgebbdin, koxox twal ma jispiccaw qatt.

Is-sufan ghalihom.

Iz-zfin sahan u l-muzika isserrep max-xfarijiet.

Ahna fuq pultruna kaxxa.
Il-karti mhux tajbin u s-sigarett jintefa malajr.

Hassejtni dak l-Iskocciz it-twil.
Ghajnejha jitbissmu u xofftejha jinhallu.

L-inbid spiccalna, il-ktieb kien adu miftuh berah.
Riedet l-arja friska.

Tmiem l-ewwel Att.

2.

Is-shana taghmel hazin minn gewwa.
Il-kesha taghmel hazin minn barra.

Imma l-kesha kienet ahjar

Il-fjuri li jmiss ikunu homor ikangu fil-vjola.

Tmiem it-Tieni Att.

3.

Ziffa gdida. Hsejjes differenti.

L-ghalliema ghajtitlu u wiegeb Aw.
Kolha daru jharsu.

"Ha thares lejh? Arah ha jisthi, issa"

Kien tard wisq, lahaq dahal fil-klassi.

U t-tbissima baqghet immarkata.

Tmiem id-Dramm.

...camera follows Travis' taxi as it slowly disappears down56th Street.

?

2006-10-21T01:56:00.000-07:00

"... Harist madwari; rajt il-ward ilellex bl-eluf u jilghab mal-fewgiet ghaddejja; smajt lill-aghsafar mohbijin fix-xuxa tal-fraxxnu u tal-harrub jghannu l-ghanja ferrieha ta' l-imhabba u x-xemx mill-oghli tiddi fuq kollox u bis-shana wtieqa tfittex l-eghruq tal-hajja Dehra helwa! Dehra sabiha li bennitni f'holma ta' poezija u bhal raqqditli s-sensi; izda s-shana tax-xemx ma nizlitx f'qalbi; anqas dijitha ma kisritli d-dalma ili ngabret fuq hsiebi ..."

(Il-Jien u lill-hinn Minnu)

Hajr Dun, hajr, id-daqqa ta dawl ghada stampata f'mohhi!

Bhalu tektikt bl-ghaslug, mxejt qajl qajl, sahansitra dort dawra mejt u ergajt lura. U d-dalma tal-kif u l-ghala hemm baqghet. Imma mbaghad bil-qieghda taht harruba xiha f'Wied Babu, wasalt biex nemmen li wara kollox forsi dik hi li zzomm l-aghma jiehu n-nifs, jghix u jintela' bl-energija ha jfittex aktar u aktar u aktar...

Sitt xhur taru bhal holma fonda f'nofs ta' lejl imma dak iz-zmien nghazaq fit-tajn jinten halla l-girfa tieghu. Illum saret tifkira ta' battalja li nistqarr li minkejja l-ugiegh u t-taqtiegh ta' qalb ghenitni nkun ahjar minn qabilha. U minnhemm giet il-laqgha tal-kunsiliera f'eghluq snini, l-Irxoxt u Sajf hawtiel li skoprejt is-sahha gewwiena tal-Wahdu rebbieh.

Aghma kont u aghma nibqa'!

Set the Controls for the Heart of the Sun

2006-03-11T23:58:00.000-08:00

Ghalfejn?

Ma nistax nghid inhobbok lil min l-aktar inhobb?
(Mhux ghax irrid, lanqas)

Ma thallinix inhobb hafna?

In-natura tal-bniedem?

Tghid wara li jispiccaw daw il-mija u hamsin nergghu inbattu?
Jew bhas-soltu, dawn huma biss zverjalin ghal bhima li hemm gewwa?

"One inch of love is one inch of shadow
Love is the shadow that ripens the wine"

Il-bierah, il-lum u ghada

2006-02-21T03:12:00.000-08:00

Xi haga li tesa' go fiha, mimlija mimlija ha tinfaqa' sakemm icedu l-hitan taghha u hemm tohrog ix-xemx f'zifna wahda mal-qamar jidirsu minn fuq shaba ghal ohra. Jidhru l-istilel jghemzu, jinstema' l-bahar icafcaf, il-gebel jaqbad id f'id mas-sigar. Iz-zkuk jghannqu maghhom l-ilmijiet li jghaddu jigru jilaghbu minn bejniethom. Dawn jilqghu l-ghasafar fi hdanhom u flimkien jaghmlu festin man-nemla, mal-gremxula u mat-tifel zghir.

U l-hitan mifqughin jinhallu fil-haxix hadrani bellusi u jsahhu l-art u jinbtu l-fjuri kollha kuluri.

Ftakar fit-Titans

2006-02-03T08:32:00.000-08:00

"...iiil-! Hemm...hemm, dak x'qed nara?

(Joghrok ghajnejh bhal wiehed ghadu kif stenbah minn naghsa fil-fond)

Gebla fuq gebla jitla jrid.., u mhux ta horrox borrox... Monument jaghzel anzi.

U minn mad-dawrien zugraga fuq l-art hamranija, ghal-mixja lej il-Punent mal-ghajta tal-iswed, pass pass sad-Dawl fil-kamra fuq l-gholja tal-bahri.

Bil-wieqfa fuq gix roti, kesha tizbogh il-gisem blu imma mhux lir-rieda tikwi, il-hsejjes mill-limiti tar-Rabat, il-kotra, il-karti tal-loghob u s-serduk u l-fan.

U z-zingla bid-dqiq u l-hmira u bl-iswaba jaghwru bla biza.

...3
...4
...7

Fuq l-iskala Richter.

Ma jiggarrafx. Imma jistriehu f'posthom il-planki.

Is-sulari herqana.

Kikkra, dahna u nota

2006-01-28T16:13:00.000-08:00

Mhix qieghda f'demmi li nara l-griz, c-clampu u l-hsejjes koroh tal-hajja imma mhix dejjem facli thalli l-kuluri jghajjtu, x-xemx tizreg u jinstema dan il-gazz aciduz . Ghaldaqstant sibt ruhi nikteb fuq l-iskur sakemm il-kuluri zgiccaw helu helu minn bejn is-swaba.

Nista' nghid li mill-bidu tas-sena 'l hawn, qatt ma stajt naqbad it-tram li ridt, insib post li jesghani u nerhila ghal-ghonq it-triq inhares 'l hinn u 'l haw mill-hgieg. Minflok, sibt ruhi tiela' u niezel fi stazzjonijiet differenti jew ninqabad fuq il-plettform qalb it-thambiq u l-panikk tal-migemgha sakemm il-vagun li jghodd ghalija jahrab helu helu.

It-tajba hi li la naf il-vagun li rrid jien hux roza jew ahmar bit-tikek blu jonkella sewdieni, la naf jekk hux sejjer Patagonia jew Zion u lanqas l-icken hjiel ta' x'hin jista jitfacca' ghalkemm f'qalbi inhoss il-hin kollu li minn mument ghall-iehor...mument li bhal donnu ma jasal qatt! S'issa ghadni nemmen li dal-vagun, il-vagun tat-tama, tan-nifs gdid ghadu ghaddej fil-fatt fuq il-linji tieghu.

Inhoss li dis-sena t-tiftix ghandu jiehu xejra ohra. L-ghaslug ittiekel jahbat mal-istess ghamara u fej inhares jidru il-marki tal-passi tieghi jidhlu f'xulxin, mahnuqin bin-nuqqas tal-berah u fgati bl-iggamjar tal-eghluq.

Il-mohh jittewweb bil-kilba mgewwha ghall-gdid imma sadattant jizzghabel fuq il-hmerijiet. Miskin.

Mi ricordo che un giorno... in mezzo a noi venne un tipo... che ogni cosa pensa giusto e la fonte della vita, era in lui disse una frase... mi rimase impressa: "Alzati ...e cammina!... (A. Celentano)

we the Jah Jah children

2006-01-09T08:12:00.000-08:00

Kliem Kohelet bin David, sultan f'Gerusalemm.

O frugha tal-frughat, jghid Kohelet.
O frugha tal-frughat! Kollox frugha!

Xi qliegh ghandu l-bniedem mit-tahbit tieghu kollu li jgarrab taht ix-xemx?
(Koh 1, 1-3)

Diga' qed niehu nifs is-sena l-gdida b'dal-kliem jirbombja f'mohhi. Diga' hadt nifsijiet ohra fi snin imghoddija b'dal-istess kliem josmotli l-esseru griz u bajdani. Imma dak in-nhar m'ghamilt xejn. Ma nixtieqx li jkun hemm darb'ohra. Dik li thares lura, tqalleb u ma ssib xej, kerha wisq. Issa bhal donnu qed jispellijieli sillaba sillaba. Belt il-Frugha nnifisha ziedet tabella gdida tan-neon jimxi.

Habib tieghi, trid li nibqghu bhan-nemel ahna? Inpassu mill-istess toroq, maqbudin f'xibka li nafu biha imma nibqghu ninsgu l-hajt taghha madwarna sakemm idejna stess ma jkollomx aktar sahha, subghjna jimirdu bil-bughawwieg tal-istess moviment u mnifsejjna jittieklu u jisfaw fix-xej... bin-nifsijiet qerrieda tal-kastig..?

Niftakarni f'performance ta' zmien ilu. L-ewwel wahda u l-ahhar wahda. Imma hemm ukoll kien tghezzez l-intern u hangar bl-ghatx tieghu ghall-helsien mill-jasar. Gholejna f'salt, qattghajna x-xibka li kienet izzomna mal-art u ghajjatna bid-dwejjaq li ma kien recta xej.

Yeah-yeah-yeah, well!Uh!
Open your eyes and look within:
Are you satisfied (with the life you're living)? Uh!
We know where we're going, uh!
We know where we're from.
We're leaving Babylon

Robert Nesta Marley (Exodus)

Gib nifs, Rig, Kol, gib in-nifs tal-hajja l-gdida...

"...Int tnibbet il-hdura ghall-bhejjem, u l-hxejjex li bihom jinqeda l-bniedem..."
(Salm 104, 14)

Inspector Jay from Delhi

2005-12-16T03:08:00.000-08:00

... relax, have a drink, sit down sit down...

Start the projector...

Tal-lum mhux rakkont ta' xi episodju helu, jew hsibijiet gellieda gewwiena. Tal-Lum stampa. Ta' bniedem ifittex u jistaqsi. Jgharrex u jistharrreg. Ihuf u jikteb. Fin-nofs.

Bej sema kahlani nir u ilma mdardar u moqziez..

Bej medda ta' fjuri kollha ilwien u tefgha xewk u ghollieq.

F'dahna bajda vergni tiela 'l fuq jew f'nefha nugrufun minfuha mill-abbissi.

F'ghadira qalb l-gholjiet jew dezert ta' ramel imqaxqax.

Imma d-dezert itik miragg. Jew tnej. Jew kemm tkun trid qalbek.

Sadattant, l-aghma jissokta jtketek bl-ghaslug kull pass li jaghmel...

'allo, 'allo, Inspector, there's a time bomb on Flight number 125....'allo, 'oo is speaking?...

Il-Jien u lil Hinn Minnu (L-ilma mqalleb ta' taht)

2005-11-23T12:47:00.000-08:00

Jigu habtiet u m'humiex daqshekk rari meta nhossni mifni, milwi u sa ghonqi mgharraq f'ilma mdardar bil-ghawg hadrani li jgib mieghu il-maltemp. Tempesti qliel jistghu ikunu spissi imma ma nafx hix xi haga kerha jew ta' nifs 'il gewwa meta nintebah li spiss ikunu pizijiet li meta tharsilhom minn banda ohra ma jkunu xejn ghajr rix, ejja nghidu ta' l-ajkli biex ma nghidx t'ghasafar tal-bejt.

Imma jkun xi jkun, meta tkun fih, dak is-saram thossu jahfnek minn ghonqok u jobormok mieghu. Imbaghad tidhol is-sahha tal-individwu, specjalment dik tal-mohh li tkun dik ix-xi haga aktar li tghinu jiggranfa, jzomm fil-wicc u anke jitla' jew inkella thallieh jingarr mal-mewg bla hniena.

U xi kruha ta' tendenzi haw f'dis-socjeta' li qed niehdu n-nifs fiha meta tara bniedem imdendel, jitbandal 'l hawn u 'l hinn ma sms. Nistqarr li f'din il-loghba krudili elettronika, huwa wisq facli li tingarr mal-kurrent, thalli messagg jisraqlek il-burdata minn taht ghajnejk fid-dawl tax-xemx, biex ma nghidx jishaqlek id-dinjita' ta' ragel jew mara u jhallik titkaghbar taht il-madmad tieghu.

Ir-rimedji minn dan kollu jghallmu hafna mill-ghagna interna ta' dak li jkun. Wara esperjenza qarsa hemm zewg torog wiehed x'jista' jaqbad... (Led Zeppelin ghal darb'ohra, sur Oliver!) ...jew aktar tgerbib taht irdumijiet ta' blat ippuntat jew it-tishih tad-dirghajn u l-ghonq, il-qalb u l-mohh.

U meta minn go dad-dlam kollu, tinqala' muzika li bhal seher izzarrat b'qilla s-shab li jkun qed jghatti x-xemx, tonsob il-griz sakemm terga' tfigg dik is-shana hanina u timla l-mohh b'ghagna bnina, hemmhekk tkun ir-rebha li l-gewwieni ghadu haj.

U la qeghdin fil-borma, jien insostni li biex wiehed japprezza u jidhol b'ruhu f'silta melankonika jrid ikun fil-burdata l-aktar ferrieha ta' hajtu. Jekk le, bhal dawk il-kurrenti kiefra taht l-ilma, tkaxkru u tkarkru maghha fl-abbissi li jkun holoq l-awtur. U jekk nigu f'dan...

Il-Jien u lil Hinn Minnu (il-Pont)

2005-11-21T02:08:00.000-08:00

Hemm fil-gholi fuq zokk ta' sigra xwejha
Il-weraq jilqghali wicci miz-ziffa sbejha
Dehrli li sibt it-twegiba ghal dit-tahbila
Harbtitli mohhi dil-kobba mhabbla u twila.

Minn haw fuq bej art u sema
Jitkemmex il-mohh u mill-ghajn xi demgha
Nixxennaq issa ghas-sahha u mhux id-dawl
Biex ix-xitan tad-djghufija jhallini, ja minghul!

U 'il fej tkun sejra dik ic-caqliqa
Fuq il-wicc izraq fiddien...
Donna tajra kbira ma tghajja qatt

Is-shab jizloq nebbiexi helu helu
b'dellu jiccarcar mal-ilma dejjem ghaddej,
jisraq it-tghammixa ghal mument li jigi u jmur.

Anke l-virdun imsakkar f'dik il-holqa
ma jistax izomm fommu mitbuq,
Sakemm ghajnejh jibqghu miftuha...
Ghax hawn...ahna biss

Tghid dawn kienu l-istess kuluri li ddew f'ghajnejn ix-xjuh taghna?
Ghal mument, imqar wiehed biss, nazzarda nghid Ija.

Gib Oghli

2005-10-31T18:29:00.000-08:00

Bhal dak in-nhar tal-Hawkwind imma did-darba b'certu panaxx. Dak it-tip barra mill-irdoss tar-rahal u l-boghod il boghod. In-natura dahlet tilghab xorta, dhalnielha minn bieb iehor. Qabza 'l bahar u ghawma fit-tul sakemm il-gogi irhhew helu helu u sirna mewga ahna wkoll. Il-gelat roza imhallat bil-frak ta' karaewtt midhun ha hsieb jimla l-energija li hlejna; ma stajniex inhallu l-ahhar ftit raggi tax-xemx dehbiena jehbu minghajr ma ntuhom kaz.

Lura f'dik il-kmajra, stajt nitwahhad mal-ambjent kowzi, nahseb Bob Marley, il-kuluri hodor, sofor u homor u l-pjanta mirquma fuq id-drapp l-iswed jghinu hafna. Xi reggae mill-Lvant mhux tant Imbieghed kien qieghed jizzerzaq helu helu mill-ispijkers u l-birra kiesha mal-osofagu taghna. U hekk ghadda l-ewwel ofstanhar fic-cpar tad-duhhan li minnu hadt anke ghand tal-merca fuq il-kawnter tal-Laham bil-Krisps f'idi u t-tizlig f'ghajnejja.

Kienet b'nofs qalb li hallejt 'il dal-habib li skoprejt matulek ja sena, alkemm dan xej ma jaghti fl-ghajn mill-marka m'idejna u mit-thabbil ta xaghrna

Imma kelli habib iehor jistenna band'ohra u mieghu kelli ninzel lura mal-art biex inkejjel id-drappijiet u nikkalkulaw id-dwal ghal festin tas-sibt li kien imiss. Maghna ssieheb id-Duka deFrak, hlisna u malajr ergajt lura fl-irdoss ghal darbohra din id-darba minghajr il-vibe Gamajkan imma bit-tqanqil gewwieni mnissel mill-ghazla fina tal-Kbir innifsu fuq ix-xema' sewda ddur u taqghad taht it-tingiza tad-djamant. B'cert awtorita fina, qabbad lill-pittura tqatta dahna wara lohra sakemm is-saqaf ma wesghaniex aktar u r-ritratti ma bqajniex narawhom sew sew. Kienet bdiet tahkem l-ghejja u c-cavetta barra gabitna f'sensina li l-hin kien sar.

U b'hekk tar jum helu, ma hbieb li nhobb madwari fuq il-kuxins ta' dil-genna, mar-ritmi mhallta li jaghzlu bejniethom liem naha sejrin jinku u bicctej cikkuluta tal-KitKat.

Sixteen Tons

2005-10-20T06:49:00.000-07:00

Diga tqila hafna li tinqala' mid-dar jew mill-bahar jew mill-wied fil-kampanja u tmur ghax-xoghol. U sew jekk hu filghodu u sew jekk bil-lejl. Imma kemm hi kerha aktar titlaq minn idek biex tmur l-ufficcju, tpoggi bil-qieghda all-Laqgha tas-Sitt Xhur u terga' tmur lura d-dar halli satej wara terga tmur tghodd ic-cekkijiet mal-magna.

Fiz-zmien li qed jghaddi xkanat maghna tal-lum, fej kull qatra tghodd, kemm jekk hi caqliqa tal-pendlu li ma jieqafx jizfen linn u 'l haw, kemm jekk hi l-minutiera tal-gejg tal-petrol u kemm dik tal-mijter tal-ilma, kollox tara zejjed. U qas li kieku kelli mmur nigbor midalja ma kont nithajjar ninqala', ahseb u ara al rih bla xita. Imma l-ghajat u l-inbih iqabbadni certu djuq fl-istonku, aktar u aktar fi zmien meta fix-xefaq ma jidhrux hlief shab griz u thezziz ta snien.

U r-Ragel ta' fuq is-Siggu al Laqgha li jmiss sa jkun ta' xaghru nokkli mhabbla Nnifsu.

Il-Krizi fil-post tax-xoghol hi loghba inkejjuza li jasal zmien li taqtaghlek nifsek u tgerbek. Fil-post tax-xoghol tara minn dawk in-nies li ma tridx tara b'ghajnejk, imma fl-istess waqt niltaqa mal-hbieb eghzez ghal qalbi.

Itini cans nibqa' rieqed filghodu imma jaghti cans lill-ommijiet u n-nisa tad-dar li hemm maghna ikewwsu f'hinijietna ghall-ahjar taghhom.

U jekk insib tarf dal-kuntrarji jixref il-fatt li jien m'inix maqtugh ghal dax-xoghol fej il-mohh jistaghgna, il-gisem ukoll u l-vini tas-saqajn jihdaru u jkangu fil-vjola. Il-mohh jokrob ghall-berah fej jista' jimrah mnezzgha minn kull xkiel u jsawwar xi haga, il-kultura u l-ilsien tant ghal qalbi misruqin... meta kont ghadni ma nafx. Inhares 'il fuq u zgur hemm Qieghed. Bil-qieghda fuq dak is-siggu tal-gebel tieghU b'subghajH itektku bil-mod fuq il-mejda jarani nhaffer il-hofra, nahbi t-talent u nghattih bir-ramel.

Fl-ufficcju jonqosna spanner u par mustacci zghar zghar kull wiehed biex insiru dak ic-Charlie Chaplin li zewwaq haddiem tal-fabbrika b'tant reqqa... Modern Times. Imma dak kien in-1936.

Bhallikieku mhux bizzejjed, ar kif taghmel u sib gherq mix-xoghol u ngarza mieghu ha tara kemm iddum il-paci f'qalbek.

Sittax il tunnulluta qed nghidu ftit wisq, habib.

Tal-Hawkwind mghagglin wisq~

2005-10-03T16:35:00.000-07:00

Kont ilni ma nkun fil-ghodu xol zmien. Imma ghandu s-sabih tieghu ukoll... Specjalment meta l-ghada tkun sa tahdem 'night'.

U allura fettilli nsejjah il dal-habib li kien pront wegibni biex nissendikaw ix-xemx tizzerzq helu helu wara x-xefaq. Ja brikkuna l'hi, pruvat titghatta wara kutra ta' shab li tat lil bahar kulur bajdani imma bej tizrita u ohra bdew jizgiccaw xi raggi lewn laringa li ghada qed issir u taw effett li jsahhar bhas-soltu. Ma nistax nghid li jien u nhares minn god-duhhan tas-sigarett ma rajtx kemmkemm imcajpar imma x-Xemx rari tfalli fil-wirja li twaddab ta' kuljum. U b'saqajna ghal ftit ma jmissux l-ilma nebbiexi gej u sejjer, qisu jrid jilghab, kwazi kwazi hassejtni attur iehor fuq dal-palk, imqar Ekstra li gie f'kuntatt mal-attrici ewlenija, mal-Primadonna. Hasra li d-dinja u nies karfa ohra jcahhduna milli nibbukkjaw post fuq quddiem ta' sikwit.

Dar-rahal gustuz wisq, istra. U ghalhekk mat-tgerbiba taz-zmien, napprezzah aktar. Minbarra li joffri seats fuq quddiem ghax-xow li ghandi kif semmejt, meta jien u siehbi hassejna xofftejna jitbasktu bl-ghatx qtajnieha li nitilghu f'dal-hanut, imwarrab imma flistess hin milhuq facilment...titla titla dejjem il-fuq, il-quccata ta l-iZraq. Mhux lakemm wiehed inizzel xi forma ta kliem biex ipingi d-dehra minn hemm fuq.
Barra minnhekk il-gnien ta madwar dal-Klabb (tal-Bocci) qisu album tar-ritratti ghalina. Ritratti ta praspar ta tfulija. Hemm telghuna l-ewwel sufiet madwar is-sigrieti taghna, hemm hassejna l-ewwel darba r-raghwa ta' birra mal-hbieb, hemm kellna l-ewwel kuntatti ma gilda aktar tarja.

Imma ahna tlajna ghall-inbid u biex innaqqru xi haga. Haw ma jtinix li niehu x-xarba tat-tbahrid tieghi li jkun hemm fost il-gimgha jew fit-tarf taghha. Lil-Gwakkin inhallieh az-zina'. Haw l-inbid bis-SevenUp. Ta' Malta? ...tejdlek... Sadattant ir-radju li jfakkrek fl-Ewwel Gwerra Dinjija hemm qieghed, fuq il-hogor tat-tieqa jissema attent ghal-bdoti tal-ajruplani li jittajru qarib...

L-Iben il-Hali

2005-09-15T22:45:00.000-07:00

Ma nistax nghid li kien zmien ta' sawm jew nixfa letterarja inkella ghazz irqiq. Imma bi sforzi ma nikteb xej. Imma issa li ergghajt lura lej id-djarju tieghi nhossni tajjeb. Kwazi kwazi nghajjat lil qaddej jaqbad l-ghogol l-imsemmen u jitfghu fuq in-nar...

Matulek ja xahar li ghadda kienu hafna l-episodji helwin li kien messhom inkitbu imma issa l-ftira kienet friska u ttieklet. Anzi baqa' frak ghall-ghasafar xi jnaqqru.

Il-fatt li l-magna li ttini l-opportunita' nidhol fuq dad-djarju kienet fuq il-bank tal-hallieq taghha jghallem ukoll. Bil-mod il-mod bdejt indur lejn il-Ktieb li tant kont inhobb u konna kwazi sibna l-ispark tal-imghoddi meta l-magna regghet giet lura tgharraqli mohhi u ghajnejja. Imma dik il-hajja. Sadattant il-Ktieb jirrabja u jidghi li hu qatt ma cahadni imma madankollu qatt ma tajtu haruf xi jsajjar ma shabu...

Issa s-sajf donnu dar lej il-gwardarrobba jigbor hwejgu u jippakkja xi basktijiet. Qtajt nifsi, miexi bl-ghagla fix-xfarijiet. Kultant anke b'giri tal-imgienen. U issa nitla fuq il-bejt u niccekkja ghax-xitwa qabditx triqitha 'l hawn. Il-tad-dvds kellimtu diga u anke lil tal-heaters. Lil dik li tehodli hsieb il-kontijiet mqaxqxa tal-bank tarraftilha xi haga wkoll. Issa jmissni nsefsef ftit f'widnej it-trevilejgint (avolja jiflah jistenna sas-sena d-diehla).

Lill-qaddej avzajtu jibda jitma' l-ghogol...

Johan Neeskens

2005-08-10T02:49:00.000-07:00

Allura harigli cans tajjeb ghan-nofs u htaftu. Nghidu ahna, gie ballun tajjeb f'saqajja minn nofs il-grawnd u stajt nitfa ftit mit-trejning kontinwu li ninvesti f'azzjoni denja.

Is-sibt hrigt wahdi. Mhux ghax xi haga ta' barra minn hawn imma bis-sjut il-gdida u z-zarbun tal-alakka ileqq ileqq kont ghadni m'ghamiltiex. Wara kollox bi pjacir inhabbar li tas-sena l-ohra kienu qdiemu u ridt nitfa' xi haga gdida ghall-wiri.

U l-grawnd offra minn kollox. Il-loghba kient miftuha u tista' tghid li l-plejers bin-nisa b'kollox kienu jfakkruk fit-tijm kbir tal-Olanda tas-sebghinijiet. All-out attack jghidulu 'kk miniex sejjer zball. U la nsemmu it-tijm, irridu nsemmu lil TIM, zaghzugh Belgjan li flok 10 fuq dahru kellu "Kill your Idols" verzjoni moderna quddiem. Li naf, li wara x-xow ta bicca xol kbira lis-sidien iqabbdu l-periti jibnu l-post mill-gdid.

Ma nafx jien, hemm muzika li tismaghha bil-widna u hemm ohra li tismaghha bil-qalb. U forsi l-fatt li hafna m'ghandhomx il-qalb jaghmel dawn in-noti muzikali daqsekk nobbli. Ovvjament baqghu sejrin sas-sieghat bikrin ta' fil-ghodu fis-sala dakinhar imma ghadhom jidwu f'widnejja...anzi fil-qalb sal-lum.

Id-dar fonda. U l-hsejjes ta' pjacir(k).
Izfen u intilef!

Il-Jien u lil Hinn Minnu Pt.5 (sect i)

2005-08-06T01:45:00.000-07:00

Minn dejjem sostnejt li aktar kemm ikun il-boghod mill-irdoss tal-kamra tieghu, il-bniedem jikber. B'hekk nista' nghid b'wicci minn quddiem li s-safra kienet esperjenza li mmarkatli hajti ghal dejjem. Kemm ir-Rastas li habbatna wiccna maghhom Koln u kemm il-clubbers li indiehsna maghhom ir-Razz, kollha taw is-sehem taghhom biex ihazzu il-firma taghhom fuq gildna u sahansitra ruhna. Imbaghad ikun apptu ass li din il-marka naghmluha tkangi mal-kuluri li diga ghandna biex naghmlu kwadru aktar folt.

Ovvjament is-Sajf jaghti lok biex dak li jkun jistkenn mill-inqas u ahna ambaxxaturi ta' dan. Galadarba irfisna xtutna mill-gdid, xejn ma zammna nirriflettu fuq dak li ghadna kemm ghaddejna jekk mhux bejn avveniment u iehor, fuq dghajsa jew ohra, minn gnien ghall-iehor u Elija jigri warajna bil-lista tas-slaleb u l-verigudz b'Mose magenbu biex jibdlu kultant.

Bhallikieku din holma jew lehha, kultant issib xi ghafrid li jnebbhek li wara kollox din hi l-verita'. U ssibu nghidu ahna, meta tkun bil-karozza rasek l-isfel u lagenba bid-demm ma wiccek avolja jidhol Gabirjeli u jhalli t-thazziza al tlieta biss... Imbaghad jitwieled l-episodju helu fil-kamra Tedeska bi Professur Vella magenbi bl-imqass u jien bil-harira.

...u sejrin...

Il-Frustieri

2005-07-24T09:13:00.000-07:00

Kienet ila biex tigi.

Imma nista' nghid li kienu ghaxart ijiem li ghad iridu jehilbu gawhar ta' dehen f'esperjenzi u ritratti.

Ovvjament kollox fl-ahhar jumejn, anzi l-biljetti biex nidhlu fil-festival ta' reggae li kellu jsir Cologne wasluli fil-kaxxa tal-ittri tad-dar meta jien u l-Konti von Eric konna diga Frankfurt nezlin mill-vettura tal-ajru biex nirkbu fuq dik tal-linji tal-hadid. U l-ajruplan ghal Barcellona lhaqnieh bhal zewg neguzjanti mharrga sew fil-qasam tas-safar u jihhoppjaw minn ajruplan ghal iehor bhalma ahna naghmlu s-soltu f'Belt il-Frugha bil-barijiet. Imma ahna hekk maghmulin u dak huwa l-istandard.

Propja propja l-btala kellha tkun kollha kemm hi Barcellona izda meta sid dak il-hanut popolari, habib taghna qalilna li kien tiela ghas-Summerjam Festival dik il-habta taghna u webbilna biex naqbzu qabza mieghu htafna l-okkazjoni.

U b'hekk bdiet is-saga tal-Hakma ta' dawn iz-zewgt ibliet ta' certu piz fi-mappa tal-Ewropa.

Il-Frustieri pt.2

2005-07-24T09:06:00.000-07:00

Nou Camp Stadium
- limits of Barcellona

Il-Frustieri pt.1

2005-07-24T08:37:00.000-07:00

Feuhrlinger See - limits of Koln Germany
SummerJam Festival 20th Anniversary 2005

Il-Jien u lil Hinn Minnu Pt.4

2005-07-01T23:49:00.000-07:00

Hekk, bl-amment, ma nafx jekk hemmx kelma ghal feeling bil-Malti. Ghal ghandi feeling li llum sa nitilghu, ghandna. Dak li hassejt jien u miexi qalb in-nies, tant b'sahhtu li lanqas il-muzika kerha ma setghet twarrab anzi ghenitni nkattar in-nirien gewwiena. Imma fil-kas ta' feeling ta' tfajjel li waqa' f'bir u niezel niezel u jdur fuqu nnifsu u jinqaleb u jibqa' niezel b'idejh miftuha, nahseb m'ghandniex. Toqghod tghid, il-hajja minsuga minn dawn il-feelings. {Forsi ahna mghagglin wisq biex insibu kelma jew m'ghandniex minn dawn..?}

Spiss inkun dak it-tfajjel tal-bir. Ma nistax nghid li dan hu kollu iswed u mudlam, umduz u morr imma jien x'jien, niezel qieghed u b'certa sahha u lanqas li ha nsib xaqq fil-hajt jew xi zokk biex inzomm ftit, niehu nifs. Iz-zmien jghaddi jrid, hniena ma tezistix u jekk ma tkunx attent iz-zokk flok ghajnuna ikun xkiel ghax jekk ma tindunax bih, jtik skoss li jcaqlaqlek il-pedament sod tat-trobbija folklorista.

Fil-fatt, mhux l-ewwel darba li jien u niezel nislet is-sejf u narma nitqabad b'qilla ma xi valuri li ghadhom ma tghattewx bil-heziz zellieqi. Nemmen hafna fil-valuri u li ghad baqghali inhaddanhom bil-qalb imma jkun hemm uhud li bhal donnhom jiskadu jew jahdmu biss f'dinja tal-holm u dawn fil-verita' jxekklu jistghu jew jintrabtu ma jdejk u ghonqok u jhalluk bla nifs, fgat f'bir tond u bla qiegh.

U tal-klassi. Ma jezistux brejks jew waqfiet ohra imma l-lezzjonijiet varjati bil-bosta u l-ghalliema jinbidlu il-hin kollu ghalkemm uhud minnhom ghandhom post fiss u jkunu jafu aktar mill-qrib id-dixxipli taghhom. Kultant ikollna harga tal-iskola, bhalissa komuni hargiet f'gonna kbar u wiesa idamdmu bil-hsejjes ritmici jew f'xi bejta ta tkattir bla heda fej ikun hemm studenti ohra jaghmlu esercizzji simili fosthom jhalltu l-pitazzi u t-textbuks biex wiehed jaqra tal-iehor gieli anke bil-mohbi.

Feelings li jkarkru sekondi jew jiem shah; mhux li thoss fih innifsu imma l-hsieb li jqanqal u jiddetta mumenti u modi t'ghajxien.

Like the SUN through the trees you came to love me
Like a leaf on the breeze you blew away

...u jaghmel il-frott, min sittin u min mija.

2005-06-25T00:03:00.000-07:00

Mhux xieraq ghalija nnifsi li nikteb b'dil-muzika ghaddejja fuq wara. Bhal xirka ta' barbari li jahbtu ghall-belt ewlenija mill-ewwel u minn hemm jiksbu kontroll komplut tal-art, hekk dan il-mad blunted jazz imhallat ma tracci sinjuri ta Deep House ghandhom habta jixxebilku ma qalbi. Minnhemm bla ebda xkiel anzi bil-ward imxerred 'l hinn u 'l hawn fit-toroq kollha tinbet is-saltna ta hena li ma tinkiseb bl-ebda mod iehor jekk mhux bl-ghajnuna ta' medicina apposta.
B'hekk jittiehed ritratt kemxejn imzelleg mir-rejalta'.

I have come to realise in recent years
that there are times when there's only one word in which I can express my faith

Ooo oh

I know that that one word is quite sufficient

Ooo oh

There's no other word...

U hadd ma jaf x'hini l-kelma. X'aktarx ghandi ghomri infittixha. X'imkien fid-dancehall tkun ta! Imma mur sibha f'dawk l-ucuh, uhud iccassati, ohrajn jarmu x-xrar, bicca sew minnhom dahkana u sett iehor b'tal-hmar!

Naf li minn daqqiet nghejha gej u sejjer bil-kantun fuq spallti, sahansitra gieli anke noghtor taht il-madmad imma dak in-nar gewwieni jibqa' jkebbes sakemm jara filata ohra tiehu l-forma. Twila t-triq li ghazilna imma nemmen li hi t-triq li taghmilna boys ta' stoffa, dik it-targa jew tnejn oghla.

ENTP

2005-06-18T20:53:00.000-07:00

Propja propja ghadni ma nafx nisthajjilx iz-zmien bhal valanga niezla u tikber hi u tkakxar maghha kull ma ssib jew riefnu li jghaddi minn mieghi, jahtafli l-pala ta jdejja u jdawwarni zugraga bhal dak tar-riklam.

Biex tkompli tghaqqad kif jghidu l-Blur, This is a Low. Il-hegga qieghda tkun marsusa bejn l-idejn morsa ta' dubji, mistoqsija fuq il-hila u fuq in-nifsi. U bhal General ghaqli, nehtieg nintasab ftit fit-tinda wahdi ghad-dawl tal-lampa, ninza l-uniformi minn fuqi u niehu nota tal-qaghda tal-armata, z-zwiemel, provvisti, armamenti... kollox laxk u matt, mheddel u mxekkel. Il-midalji u c-certifikati hemm qieghdin ileqqu, jilmaw zminijiet ahjar imma l-hajt kbir u jesa' bil-wisq izjed.

U t-tefgha minn fej sa nsibha? L-ispark...

It-tim tal-imqarbin hareg bl-unuri, kwazi kwazi fej il-bieb ta barra mac-cekkawt kont qed nistenna anke bukkett fjuri. U tghallimna wkoll. Anke mill-habib tieghi li nara kuljum bej xoghol u sfrattu skoprejt il-gdid. U mit-Tnej li gej sa nippartecipa izjed. Naraw hux nar tat-tiben jew nar minn dak tal-branding tal-baqar, biz-zmien.

L-aqwa li din l-art tqatta' u tiekol minnha... u ghalissa ghada u tibqa.

Avalon

2005-06-12T21:02:00.000-07:00

Il-bir kien fond u mudlam. Il-hama fil-qiegh kumplici ha jigbed l-isfel u l-umdita' tinhass tiggranfa mal-pori ta gismi jirtoghod il-ballu ta' San Vitu. Imma minn gol-fetha z-zghira tal-horza kien jidher sema kahlani nir u ghax tghid... s-swaba ta' jdejja u saqajja kellhom fili maghmula bil-qies fejn jitmattru u jahtfu l-gibda ghal fuq.

L-okkazjoni li ghamlet 'il Gedida Sinjura aktar milli qatt kienet qabel nibqa niftakarha. Kollox bizzilla, t-trab toghma ta' Nescafe Cappuccino tal-isticker blu, l-agha tan-nies u t-tbissim kontinwu. Kulhadd helu jgennen ghalkemm niftakar l-ghajnejn zoroq, il-warmth minn hobba nofsu mikxuf, ix-xaghar stil Ethel Brown, ix-xinxili u x-xorb bil-gliegel. Fl-Ewwel Gnien is-seher kompla ghall-affari tieghu sakemm minn qalb is-sigar slavag stajna nilmhu il-purtieri suwed iwarrbu fil-boghod. L-istess gara dal-lejl, did-darba mill-bitha ta Nru. 70. Temmejna serata ta' breakbeat fuq ritmi electro-funk bir-Reggae's User Guide to Love, mistura helwa manna ghal hinijiet bikrija. Ricky jibqa' f'mohhna biex nihhajgekjawh ghall-okkazzjoni li jmiss!

Gustuza tassew dik l-Ghawdxija tal-Brazil specjalment hi u Ssiktu u idejha jhufu ma gisimha ckejken. Avolja laqatni n-numru ta xebbiet twal li rajt dal-wijkend.

Hallieh jonfoh ir-rih mix-xaqq tal-bieb tal-kampnar!

2005-06-11T01:37:00.000-07:00

Is-siegha tad-dlamijiet taf tkun kerha wisq. Twahhax kif tidhol fik inkiss inkiss u tixxeblek mal-vini, tirfed fil-gewwieni, ssib il-qalb u taghsarha sakemm titla' ghal mohh u tnawwru sal-punt li jibda jinbaram, jinxef u jinfaqa'.

Kliem siehbi li jigbor il-Frak jghaddi minn mohhi. Tibda tapprezza s-sabih u tghozzu aktar meta taghraf il-morr u ttih l-gharfien li hemm bzonn. Kwazi nazzarda inzid li l-morr u l-helu jimxu id f'id u akbar kemm hu wiehed, akbar l-iehor... Kieku sinjal tajjeb ghax ilni ma nhoss ruhi fi shaba sewda bhal din, tohnoqni u tbarri l-arja milli tidhol fija, titma c-celluli tieghi b'velenijiet vjola jaharqu.

Oh I’ve hoped for comfort
But I’ve never felt too safe
And in this hard life
I’ve had to navigate through

Unexhausted
Has been my virtue*

U minn dal-qiegh nibda s-saga tieghi. Dirghajja u l-Oghli jridu jaghmlu tajjeb. Is-siegha maghna.

The Revolution Solution
Oh I’ve come to join you*

Pjanijiet ma jezistux. Hemm biss l-ghatx ghat-tajjeb u r-rieda s-shiha tieghi li nohrog u nirbah bil-grif u t-tbengil jimmarkaw il-gisem mhux izjed bl-ilwien nirien u vjola imma b'disinn ikkumplikat bhal bizzilla fina li tiehu pjacir thares lejha.

*Hajr specjali jmur at-Thievery Corporation tal-ispirazzjoni u Perry Farrell.

3 Boys

2005-06-07T12:38:00.000-07:00

Meta tqis li kienet gimgha ta sebat ijiem ma tara xej stramb. Meta tifli sew, anzi daqqa t'ghajn ikun bizzejjed, tintebah bid-differenza. Ghax kienet gimgha maghmula minn Gimghat u Sibtijiet biss minghajr il-bqija tal-jiem l-ohra. Qas cans inharsu ftit lura u naraw il-keded li tajna 'l gisimna.

Kull jum minnhom kien fih tieghu, ovvjament l-ingredjent ewlieni tibqa' l-muzika. Maghha jigu l-hwawar l-ohra bhal vitamini, Habib u hbieb, aktar muzika u dik il-mara 'l hinn u 'l hawn, preferibilment insir nafha fejn inkun.

U fil-fatt ilbierah l-ahhar jum solenni kien orga ta dawn l-affarijiet kollha. Il-Muzika tirbombja (kemxej wisq sakemm qaghdu widnejna) serqet ix-xena. RowenK kien f'forma brillanti, kemm muzikalment u kemm minn-naha 121. Ilbierah kien liebes il-libsa tal-Ghammiedi. Flok ihanxar mid-dezert, kien qed ihallat u jdawwar muzika kif jaf hu u l-Messija tal-bierah kien sewdieni u b'xaghru mqaxxra ghal kollox. Flok il-Midluk kien jismu Cikku. CikkuV. RowenK kbir hafna u Cikku kompla jibni fuq il-pedamenti li sab sakemm tista' tghid li hin minnhom is-Swali tal-Inbid kienu kemmxej maqtugha mill-art.

Aqta' xi naghga sewda 'l hinn u 'l hawn, in-nies kienu tal-qatgha u lebsin l-istess. Tbissima minn widna s'ohra u kuluri differenti. Kulhadd gie bi hgaru biex jaghmel hbieb godda u kuntenti li qed jghixu. Kien xhin ic-cappa sewda ta' wara t-tieqa bdiet titlef l-iskur u ssir blanzun kahlani car li ghaddielna minn rasna li issa jmiss triq lura d-dar.

Il-Jien u LIL HINN Minnu Pt.3

2005-06-05T05:30:00.000-07:00

Issa nisma lil Marlena Shaw, imbaghad xi dZihan u Kamien u sejrin. Wasalna fi tmiem l-ewwel parti ta' gimgha ta madmad helu u toqol hafif. Hafif il-kelma ggib hekk, ghax l-gholjiet xorta insibuhom anke fil-merghat kollhom hdura tal-hena u t-tbahrid edonist.

Imma mbaghad hemm il-katt ebav d rest. Isimha maghha. Bdiet tiela mill-Erbgha sakemm ssabtet mal-art u Ricky tefghalu kuxin taht rasu. Dak tar-Rastfari li kien hemm fil-flett kien helu wisq imma; mirqum bl-idej u kollu kuluri fuq l-iswed. Ma nafx intliftx go dahna wahda jew b'aktar, wara kollox it-triq kienet imwittija b' assortment t'inbejjed and other thirst-quenching alternatives including Daisy. Nammetti li f'certu hinijiet anke qabel dan kollu bdejt nara ftit roghda fil-boghod.

Illum il-gurnata dhalna fil-gnien Tal-Ewwel b'inqas nies maghna imma b'aktar dehen u jugs vojta x'nimlew. Kif shaqt qabel, l-esperjenza tikber skond kemm tkun il-bod mis-saqaf li tghammar fih. Galadarba hrigt mill-ghatba tad-dar tista' tiftah in-nowtbukk jew tilbes ix-xingards u l-armar tal-ispallejn bhal tar-rugby. Ovvjament jekk issawwarhom minn rajk, ikun tant l-ahjar ghalik... bl-ebda hsieb ta' konfront jew attitude, just biex tinbena isbah u sod. U biex insahhah kliemi, boghod minn taht is-saqaf u barra minn xtutna l-esperjenza tissokta tingemgha b'rata aktar mghaggla. Is-sabih hu meta jibda d-daqq u narmaw niccaqalqu ritmikament mal-muzika. ...put 'em high!

Taf x'kien hemm miktub gol-qoxra mzejtna tad-diska?

The paths of excess lead to the tower of wisdom.

When a blind man cries...

2005-05-30T12:53:00.000-07:00

Ghaddej minn zmien li nhares fejn inhares nilmah biss lasti tal-futbol, kollha b'xibka gdida bajdanija,, ticcaqlaq maz-ziffa tistenna ghatxana li thaddan il-ballun. Forsi l-film li rajt il-gimgha l'ghaddiet halla l-effett tieghu imma l-lasti hemm kienu u hemm baqghu...anzi tkattru.

Sadattant jien, daqqa bil-gear tat-team, daqqa bit-trekksjut tat-tahrig, daqqa bi slipper u daqqiet ohra bil-karkur, niggagilja bil-ballun kif naf u nispara x-xuttijiet 'l hinn u 'l hawn. Xi minn daqqiet, iz-zmien kollu li ghamilt wieqaf juri ruhu fi blalen jghaddu kemm kemm barra, lasti jew blalen barra mill-grawnd imma jkolli nghid dan l-ahhar kliem il-kowc tieghi u ghemili bdew jiltaqghu aktar ta spiss u nazzarda nghid li anke gieli kienu id f'id.

Bhalissa fegget il-craze ta' interessi barranin u qed ikolli ghadd ta seminars, lekcers u friendlijs ma clubs u plejers ohra. Barra minnhekk l-ghajta ghal barra minn Xtutna qed tkun aktar persistenti u qed nahdem ghal din l-esperjenza li kull plejer jistqarr, ikun amacer kemm ikun li hi pivit, il-klajmeks, l-apice ta hajtu.

Nibqa' nishaq li t-tbissima kollox. It-tbissima hi seher u fuq min ma tahdimx ikun mahruq, infuskat fi kruhitu u mnawwar imma fejn issib is-siehba taghha ghid li hemm ikun hemm il-frott. U min jaghmel sittin, min sebghin u min mija.

...he feels it from his soul.

Sesa Woruban

2005-05-23T00:07:00.000-07:00

How can you take my soul?
Stop...I need a new beat

: I change or transform my life, or life transformation.

Il-Film

2005-05-22T16:49:00.000-07:00

La ghandu bidu u lanqas tmiem. Imma jien niftakru jibda. U issa bhal xi hadd forma ta dawl hiereg minn ponta ghal go shab ta kamra mudlama gej mill-boghod il-boghod , ghaddej, ma jista jasal qatt imma fl-istess waqt qieghed vera qrib. Ghandek il-feeling ta' moviment kontinwu, fej il-favur-kontra jimxu f'direzzjoni wahda mhux id' id imma quddiem xulxin u ghaddejin jiggroovjaw wiehed go l-iehor mal-passi sfrenati ta muzika tizzerzaq helu helu fil-widnejn.

hemm dak li thoss lilek innifsek...hemm dak li tara lilek innifsek...minn fuq il-bejt...minn mat-tarmak...mill-isprall tal-kantina, sahanistra anke mill-helikopter tal-Planning, ahdar bl-orange. U hemm dak li tara lilek innifsek minn go bicca karta li tiftahlek 'l hinn u 'l haw u terga 'l hinn u izjed 'l aw u aktar il din naha imma mal-genb tal-kamra l-ohra fix-xaqq ta bej l-art u l-hajt. Hemm dak li jarawk l-ohrajn. Jew?

Imma di tal-muzika wisq... kull zarzira, kull nitfa hoss, kull negha tismaghha tigi bil-giri biex taqbez il ta magenba u tehdila posta fil-girja ahharija ghal widna ghatxana. Ahharija as in dak-kuritur lesti minnu, nistghu nifthu dik il-bieba zghira zghira fir-rokna tal-kamra biex nerghu nimxu. Dad-diskors qas naf ghandix naghmlu wara li l-lap dancer liebsa lisfar, kull sufa minn gisima tarmi riha ta bass taqsam ta qrusa li zgur milex minxura hafna tiffermenta f'armatura ta vini mnaqqxa, kaxxi tas-sulfarini u dirghaj felhana bhal morsa Rekord. Britian forged biex niftiehmu. Minn dak il-hadid li ma jmur qatt. Ghomrok.

Issa, Gann!

2005-05-14T17:10:00.000-07:00

Li nidhol bhal dal-hin, ingerrem il-pastizzi u kkargat biex nikteb minn wara lejla f'Art il-Fsied mhix xi haga komuni. Hallieha li kont wahdi taht cahda stretta imma xorta rajt gix hitan iridu lift ghall-gharrieda imma hu Gabirjel u Rita ta' taht l-isterjo li ma jahdimx naffruhom.

U b'hekk nista' nhazzez gix kelmiet fuq il-lejl ippakkjat qisu kamra tan-nar tal-Gimgha 13 wara l-harba klandestina mill-Kapitali taht l-Art ghan-naha l-ohra... In-nicca kienet twila imma meta hadet, l-art trieghdet u ghada titrieghed s'issa. L-eqreb li kont t'Alla u l-imperu tieghu fis-smewwiet. Is-sigriet ahhari hu li tidhol minn bej iz-zewg bibien bit-tbissima mcarrta...dik li lanqas l-ghada fl-ahhar tax-xift ta wara nofsinhar ma setghet tmur. Tbissima li ggieghel lil ta' madwarek bl-ebda ghazla hlief tu lukapp tu je... Jekk trid tista tinkina wkoll. Il-bqija, storja. Socrates faqa' kull m'hemm b'ghazla mill-ifjen u z-zjara taghna lej Sugarshake, illum il-gurnata nisthajjilha biss mawra sed fl-imghoddi qarib.

RowanK u bla ma taf anke Daisy ghamluli c-cirasa fuq il-kejk bnin dal-lejl. Tjuwns ta' barra minn haw' kif jaf idawwar hu, mhux ghal widnejn ta' kulhadd. Nghid ghalija r-ritmu tat-tahbit ta qalbi jinbidel u jiehu il-petern tal-bejzlajn tal-kanzunetta. In Tensa...

Il-gejjien jbassar aktar kumplikazzjonijiet fil-bejzlajn. "Hoy, where's the fookin' charger, Rig?"

2005-05-13T11:11:00.000-07:00

is-sabih tas-shana friska

Il-Jien u lil Hinn Minnu Pt.2

2005-05-13T10:13:00.000-07:00

essacc tista' ssejhilha katina. Mhux minn dawk tal-hadid, imsadda, ihaddnu xi bicca qadima tal-bahar mal-konkos tax-xatt imma ta' ward li l-kulur taghhom ma jidbiel qatt u lanqas ma jiddghajjef iz-zokk taghhom. Fjuri apposta ghalhekk.

Ghandek is-sahha tal-mohh, jew qawwa jew dawl sejhilha li trid, ir-rieda bhal vulkan ma jidhirx, jew l-ghatx jew xenqa sejjahlu li trid ukoll (mhux ghax huma l-istess imma dak hu il-fijling). U ghandek ir-rizorsi. Minghajr xulxin ma jmorrux, flimkien ghandhom bzonn tmun ghaqli, li fil-fehma tieghi jinbena biz-zmien ghax x'hemm isbah milli tuza tieghek stess?

Ghandek jew m'ghandekx?

U l-aghma jfittex li jara imma ma jista jara qatt. Hallieh isib sahhtu, ihoss it-trufijiet, forsi jaqta' jdejh. Imbaghad titla' gilda xierfa izjed u jfittex trufijiet ohrajn.

Tmiem il-gimgha maghna. Irdumijiet shah, sbieh bhal dawk li libset artna matulek ja zmien. U z-zaghzagh ta dejjem ilebbtu bit-tbissima mcarrta, daqqa mal-moghdija u daqqa lil hinn minnha. L-importanti il-qalb thabbat u taqbez bil-ferh.

Ukoll? Ghandek di?

L-akbar ghani fil-Babilonja

2005-05-08T14:03:00.000-07:00

Your beggars sleep outside your doorway

Your prophets leave to wonder on

You fall asleep at night with worry

The saddest man in Babylon

The wicked stench of exploitation

Hangs in the air and fingers on

Beneath the praise and admiration

The weakest man in Babylon

There is no hope left in your kingdom

Your servants have burned all their songs

Nobody here remembers freedom

The richest man in Babylon

B'soghba kbira nhabbar it-telfien tal-post li ktibt l-ahhar. Min irid jaqrah jista jfittex fil-kumplessita tal-elettronika li ghal xi raguni jew ohra cediet mal-waqt tal-publikazzjoni. Imma l-memorji tieghi mhu sa jhassarhomli hadd. The Cult Brothers have done it again!

Xammar minn hemm!

2005-05-02T00:18:00.000-07:00

Ikolli nghid is-sajf xeba msakkar fil-kaxxetta griza taht it-tieqa tas-salott tad-dar tax-Xitwa. Qabel ix-xitwa kellha palazz fejn tghammar imma biz-zmien, is-Sajf beda jiehu over u llum il-gurnata seraq hafna mill-jiem u anke xhur tas-sena.

Illum kixef sidru. Bhalma ghamilt jien biex naqbez fil-bahar mera t'Ghar Lapsi dalghodu. U bhalma ghamlu hafna nies fuq il-boks illejla. Il-pjazza ta Bugibba mahnuqa bin-nies u l-muzika ddamdam ghal min issettja widnejh apposta.

Kollox irid ikun. U ahna bhala wlied l-eccitament infittxuh kullimkien. Hekk maghmulin!

"Ada irrid nigi ghandek zgur!"
Warrab minn quddiemi, ttellifnix.

Ma tistax tafdahom...

2005-04-30T11:56:00.000-07:00

U l-vjagg ikompli...u l-mohh joghxa...

Fools Gold

2005-04-29T18:27:00.000-07:00

Id-dalma tal-lejl tiftah is-siparju ghal att gdid fit-tejatrin tal-hajja ta' kuljum. U b'naqra ghajnuna minn hemm u minn haw, l-iswed u l-abjad jidhru orangjo u lela', dik li qabel kienet art b'sinjal tal-iSTOP impingi fuqha ssir moghdija ghad-dritt, il-pakkett sigaretti ta mal-art isir naghga u l-basket tal-plastik isir halq tal-ljun.

Ikolli nghid, rajt anke zagaberri jaqsmu t-triq id'id f'ringiela ta' tnejn tnejn.

Imma ta' min jghid kollox.

Dan kollu rajtu jien u sejjer id-dar wara lejla f'hanut tax-xorb u l-muzika ghaddejja. U boys' night msawwar ghal tal-apposta...nitbieghdu minn Belt-il-Hazen imma kif fil-fatt jigri dejjem nidhlu aktar fil-fond. Sabih wisq titkellem ma nies godda, nies bi pjan li ma jaghmlux pjan imma just jibnu fuq il-kuragg u l-kunfidenza taghhom. Prosit.

The gold road’s sure a long road

Winds on through the hills for fifteen days

The pack on my back is aching

The straps seem to cut me like a knife

These boots were made for walking

The marquis de sade don’t wear no boots like these

Gold’s just around the corner

Breakdown’s coming up round the bend

Sometimes you have to try to get along dear

I know the truth and I know what you’re thinking

Down down down down da down down down

2005-04-26T01:38:00.000-07:00

il-?

Il-Jien u lil Hinn Minnu

2005-04-26T00:11:00.000-07:00

Mela t-teknologija moderna taf issawwar drawwiet sbieh ukoll. U taghti nifs lil min ihalli hajtu mgezwra f'karta tleqq tal-ghagla w'aljenazzjoni biex isib dak il-bukkun t'arja tant mehtieg. Nemmen li l-bniedem li jsorr go fih jifga fis-shab li jingemghalu fil-gewwieni, duhhan griz ta dubji, opinjonijiet, ideat egoisti u ghalhekk nishaq bejni u bej ruhi fil-htiega li dak li jkun jiftah imqar toqob t'arja; ghallinqas kemm ma jitnawwarx bit-tikek hodor tal-moffa u hmieg tal-ghajnejn. U jara l-qarsa ta' wicc haddiehor jew tkemmixa tal-hugbej jew sahansitra tbissima.

Hsiebi bhal aghma biex isib it-trejqa

jtektek bl-ghaslug kull pass li jaghti;

jimxi qajl qajl u qatt ma jaf fejn wasal;

dalma kbira tostorlu il-kif u l-ghala

u d-dawl li hu jixtieq qatt ma jiddilu...

Hajr, Dun.